Van Universal Motors va FAW Jiefang Group Co., Ltd. SHHT sanoat kooperatsiyasi konferensiyasi doirasida qo‘shma loyiha bo‘yicha memorandum imzoladi.

10-aprel kuni Tyanszin Binhay yangi hududida barqaror rivojlanish yo‘lida Xitoy–Shanxay hamkorlik tashkiloti (SHHT) sanoat kooperatsiyasi bo‘yicha konferensiya bo‘lib o‘tdi. Tadbirning asosiy voqeasi — Van Universal Motors va FAW Jiefang Group Co., Ltd. o‘rtasida ishlab chiqarishni mahalliylashtirish va sanoat hamkorligini rivojlantirishga qaratilgan qo‘shma loyiha memorandumini imzolash bo‘ldi.

 

Hujjat tomonlarning barqaror sanoat rivoji yo‘lida hamkorlik qilish, texnologiyalar transferi, qo‘shma ishlab chiqarish quvvatlarini yaratish bo‘yicha niyatlarini mustahkamlaydi. Memorandum ikki tomonlama iqtisodiy aloqalarni chuqurlashtirish va real sektoriga investitsiyalarni rag‘batlantirish yo‘lida muhim qadam bo‘ldi.

Konferensiyada SHHTga a’zo 18 davlat vakillari, yirik korporatsiyalar, davlat strukturalari va sanoat assotsiatsiyalaridan iborat 400 ga yaqin ishtirokchilar qatnashdi. Tadbir tashkilotchilari — Xitoy Savdo vazirligi, Xitoy mexanik va elektr uskunalari savdo palatasi, Tyanszin Savdo byurosi va Binhay yangi hududi ma’muriyati bo‘ldi.

Konferensiyada tashqi ochiqlik, sanoatni modernizatsiya qilish, investitsiyalarni rag‘batlantirish, barqaror va o‘zaro manfaatli hamkorlikni kengaytirish masalalari muhokama qilindi. Bandar infratuzilmasi, yangi energiya manbalari, intellektual texnika va barqaror iqtisodiy o‘sish yo‘nalishlari alohida e’tiborda bo‘ldi.

Van Universal Motors va FAW Jiefang Group Co., Ltd. o‘rtasida memorandum imzolanishi SHHT davlatlarining sanoat integratsiyasi, ishlab chiqarishni mahalliylashtirish va innovatsion rivojlanishga sodiqligini tasdiqlaydi. Ushbu voqea mintaqada yangi ish o‘rinlari yaratish, ilg‘or texnologiyalarni joriy etish va iqtisodiy aloqalarni mustahkamlashga xizmat qiladigan amaliy hamkorlikning yangi bosqichini boshlab berdi.